Knattspyrnufélag Akureyrar

Þá er fyrsta  vika handboltatímabilsins liðin og er mæting á æfingar mjög góð, gaman að sjá hvað bæði strákar og stelpur eru áhugasöm og hafa gaman  á æfingum.  Allir krakkar eru velkomnir að koma og prófa.  Í vetur ætlum við að reyna að setja upplýsingar um starfið hér á heimasíðu KA og verður þá vonandi auðveldara að fylgjast með því sem er að gerast  hjá okkur.

Nú er einmitt tíminn sem menn eru að velta fyrir sér kaupum á innanhússkóm.  Skórnir frá síðasta vetri orðnir of litlir, þó þeir séu svo til óslitnir og dýrt að kaupa nýja.  Við ætlum því að bjóða upp á skiptimarkað með innanhússkó , næstkomandi laugardag.

Lesa meira

Nú er handboltinn byrjaður aftur eftir sumarfrí, æfingarnar eru hafnar samkvæmt tímatöflu.  Vonandi sjáum við sem flesta, hressa og káta eftir gott sumar, öllum er velkomið að koma og prófa. Fréttabréf um starf vetrarins verður sett inn á síðuna síðar.
Smelltu hér til að skoða æfingatöfluna.

Hér er tilkynning til 4. fl. karla í handbolta:

Fundur verður haldin í KA - Heimilinu n.k. miðvikudag kl 17:00 í KA - Heimilinu. Það er mjög mikilvægt að allir mæti. Látið fundarboðið berast! Þeir sem ekki sjá sér fært að mæta skulu hafa samband við undirritaðan.

Jóhannes Bjarnason
GSM: 6623200

Dagana 24. og 25. september verður Kjarnafæðismótið í handbolta haldið en mótið er ætlað meistaraflokki kvenna. Mótið verður haldið í KA - heimilinu en einnig verður þar haldin grillveisla ásamt verðlaunafhendingu á laugardagskvöldinu. Aðstandendur mótsins eru farnir að taka á móti skráningum. Það er Jóhannes G. Bjarnason, Jói Bjarna, sem veitir frekari upplýsingar og tekur við skráningum í síma 6623200 eða á netfanginu joigb@akmennt.is. Hægt verður að gista í KA - heimilinu og ekkert þáttökugjald verður á mótið.